ՀԱՅԿԱԿԱՆ ԹԵՐԹԵՐԻ ՍՔԱՆԱՎՈՐՎԱԾ ՕՐԻՆԱԿՆԵՐԻ ՈՐԱԿԻ ԱՎՏՈՄԱՏ ՎԵՐԼՈՒԾՈՒԹՅՈՒՆ ԵՎ ՎԵՐԱԿԱՆԳՆՈՒՄ
DOI-:
https://doi.org/10.52027/18294685-aa.2.25-12Բանալի բառեր-:
փաստաթղթերի վերականգնում, պատկերների բարելավում, նիշերի օպտիկական ճանաչում, թվային պահպանությունԱմփոփում
Սույն հետազոտությունը ցույց է տալիս պատմական հայկական թերթերի ավտոմատ նախամշակման համար նախատեսված թեթև և մոդուլային արհեստական բանականության (ԱԲ) հոսքագծի կիրառելիությունն ու արդյունավետությունը։ Դասակարգման, հատվածավորման և երկրաչափական ուղղման մեթոդների համադրումը միասնական համակարգում զգալիորեն բարձրացնում է թվայնացված, ձևով ու որակով տարբեր արխիվների օգտագործելիությունը՝ միաժամանակ պահպանելով դրանց վավերականությունն ու բնօրինակ տեսքը։
Աշխատանքը իրականացվել է ԹՈՒՄՈ Երևանում անցկացված երկշաբաթյա
ուսանողական աշխատարանի շրջանակում, ուստի այն պետք է դիտարկել որպես կրթական բնույթի նախագիծ, այլ ոչ թե որպես ամբողջությամբ պատրաստ արտադրական լուծում։ Ստացված հոսքագիծը և մոդելները լիարժեք աշխատունակ են,
սակայն ինստիտուցիոնալ թվայնացման գործընթացներում կիրառելուց առաջ անհրաժեշտ են հետագա զարգացումներ և լայնածավալ փորձարկումներ։
Նախագիծը հաստատում է բաց ԱԲ գործիքների մեծ ներուժը մշակութային ժառանգության պահպանման ոլորտում և ցույց է տալիս, որ նույնիսկ սահմանափակ ռեսուրսներով հնարավոր է հասնել բարձր արդյունավետության։ Հետագա աշխատանքները կուղղվեն տվյալների շտեմարանի ընդլայնմանը, որակի օբյեկտիվ չափորոշիչների կատարելագործմանը, ինչպես նաև հոսքագծի ինտեգրմանը Հայաստանի ազգային գրադարանի թվային ենթակառուցվածքներում՝ արտադրական մասշտաբով կիրառման նպատակով։
